قصيدة للشاعر علي شحات
يا جمر مانك طافي** حتى وينما هليته عليك السافي **حسيت لذعتك
يا جمر مانك مابي** تبرد وننسى في قديم اتعابي
الغايب اللي طايل عليه اغيابي** وطايل مع طول الغياب اريافي
يا جـمر ما واريتك** وما بالرديم برادتي غطيتك
وخطيتهن سبايب ولعتك ونسيتك **نحسابك إلا باقي رماد وهافي
واليوم في كنيني ملتحم حسيتك **الله والعليم انك تريد تلافي
يا جمر مانك طافي
يا جمر تشقي فيّ **ساتر عليك** وما سترت عليّ
وتبان كل ما ننوى انبان قوي** قوي صهد متوزهر تريد اضعافي
قلت الغلا منّه نفضت ايديّ** وناوي بما ناوى عزيز انكافي
وبان كل ما نحساب كان خفي** وكيل الوفا في الصوب مو متكافي
وثار في كنيني وين قلت هدي** بركان كان في غفوة رماد وغافي
يا جمر مانك طافي
عليك انكابر** و مازلت تكوي في ضلوعي كابر
وناعن سريب الصوب تبت وكابر** وقانع ونطوي في اوراق املافي
ومن كبري علي صهدك الكابر كابر**عليك وعلي روحي وشوقي هافي
نحساب روحي ع الغوالي صابر **رديت ردني بوقه اموّلع وافي
يا جمر مانك طافي
يا جمر بين اضلوعي** عليك في خفا سافي رديم بطوعي
وصابر و حابس في الجفون دموعي** ونقول ما انجدد من جديد حسافي
وحال غايتي ما عاد ننصب نوعي** ولاعاد جديد انقول حيه اولافي
يا جمر مانك طافي حتى وينما هليته عليك السافي حسيت لذعتك
يا جمر مانك طافي** حتى وينما هليته عليك السافي **حسيت لذعتك
يا جمر مانك مابي** تبرد وننسى في قديم اتعابي
الغايب اللي طايل عليه اغيابي** وطايل مع طول الغياب اريافي
يا جـمر ما واريتك** وما بالرديم برادتي غطيتك
وخطيتهن سبايب ولعتك ونسيتك **نحسابك إلا باقي رماد وهافي
واليوم في كنيني ملتحم حسيتك **الله والعليم انك تريد تلافي
يا جمر مانك طافي
يا جمر تشقي فيّ **ساتر عليك** وما سترت عليّ
وتبان كل ما ننوى انبان قوي** قوي صهد متوزهر تريد اضعافي
قلت الغلا منّه نفضت ايديّ** وناوي بما ناوى عزيز انكافي
وبان كل ما نحساب كان خفي** وكيل الوفا في الصوب مو متكافي
وثار في كنيني وين قلت هدي** بركان كان في غفوة رماد وغافي
يا جمر مانك طافي
عليك انكابر** و مازلت تكوي في ضلوعي كابر
وناعن سريب الصوب تبت وكابر** وقانع ونطوي في اوراق املافي
ومن كبري علي صهدك الكابر كابر**عليك وعلي روحي وشوقي هافي
نحساب روحي ع الغوالي صابر **رديت ردني بوقه اموّلع وافي
يا جمر مانك طافي
يا جمر بين اضلوعي** عليك في خفا سافي رديم بطوعي
وصابر و حابس في الجفون دموعي** ونقول ما انجدد من جديد حسافي
وحال غايتي ما عاد ننصب نوعي** ولاعاد جديد انقول حيه اولافي
يا جمر مانك طافي حتى وينما هليته عليك السافي حسيت لذعتك