طبعا انا لاحظت في هالقسم وباغلب المنتديات حوسه مابعدها حوسه على طريقه ترتيب العروس لجهازها مثل ما حنا نسميه وبعضهم يسمونه :( الدبش - على قوله خواتنا بنات الحجاز ) ، ( الزهبة - على قوله خواتنا في دول الخليج ) ..
اختلفت المسميات والمضمون والمعنى واحد
انا هنا سويت جدول متكامل من الألف الى الياء يتضمن كل ماتحتاجه العروس وبميزانيه متوسطه طلبته مني وحده من الاخوات ..بعد ماشافت تنظيمي لجهاز اختي ^_^
وطبعا كل وحده ممكن تجري فيه التعديلات اللي تحبها حسب ماترغب .. لاني وضعت كل شئ بلا استثناء حتى يتناسب مع متطلبات الجميع ..
( يعني لا اشوف وحده تقول حلال وحرام وتتفلسف علي لاني راعيت في تنظيمه متطلبات الكل بلا استثناء ،،، وكل وحده واللي يريحها ،،،)
ومثل ما انتم عارفين كل وحده لها طريقتها الخاصه يعني مثلا :
انا استخدم لنزع الشعر الحلاوة وما استخدم الموس لكن كتبت في الجدول موس فهمتوا علي يا عسولات ^_*
واحب انصحكم وانبهكم نقطه مهمه وهي :
قبل تبدين بمشترواتك سوي جدول واجردي كل شئ عندك بغرفتك بحيث لاجيتي تشترين تعرفين وش اللي ناقصك مثلا:
البنطلونات الجنز اذا عندك شئ جديد ويصلح تاخذينه اشطبيه من قائمه المشتريات ..
واذا عندك بنطلون ابيض مثلا وجديد يصير تكتفين فيه ولا رحتي السوق يصير تشترين اللون اللي ماهو موجود عندك ..
نجي للجدول واتمنى منكم تدعون لي ان ربي ييسر زواجي لان صايره مشاكل ويمكن يتفركش
ما ابي منكم الا دعوة بان ربي ييسر زواجي ويعجل فيه المكياج انصحك تاخذينه علب صغيره لتدرجات الالوان يصير تقدرين تاخذينها معك وين ماتروحين وما افضل الشنطه الكبيره لانها خساره عالفاضي يمكن تنتهي مدتها وانتي نص الاغراض ما استعملتيها ...
مشكوره
